Քուվեյթի Ազգային ժողովի (խորհրդարան) արտահերթ ընտրություններում ձայների մեծամասնություն են ստացել ընդդիմադիր իսլամիստները: Ինչպես հաղորդում է BBC-ն, այսօր հրապարակված արդյունքների համաձայն՝ ընդդիմադիրները ստացել են 50 հնարավոր տեղերից 34-ը:
Ընտրություններին մասնակցել է ավելի քան 400 հազար քաղաքացի, այդ թվում՝ կանայք, որոնք վերջին անգամ իրավունք էին ստացել մասնակցել ընտրություններին և իրենց թեկնածուն առաջադրել միայն 2005 թ.: Մեծ հաշվով, դա հնարավոր է դարձել շնորհիվ երկրի էմիր շեյխ Սաբահ Ալ-Ահմեդ Ալ-Սաբահի, որը հանդես է գալիս Քուվեյթի հասարակության բոլոր խավերի հավասարության օգտին: Հատկանշական է, որ քվեարկության արդյունքներով նոր խորհրդարանում տեղ չի զբաղեցնի ոչ մի կին թեկնածու:
Հիշեցնենք, նախորդ խորհրդարանը ցրվեց 2011 թ. դեկտեմբերի 6-ին, իսկ դրան նախորդել էր կառավարության հրաժարականը:
