Միլիարդատեր Դոնալդ Տրամպը հինգշաբթի հայտարարել է, որ ԱՄՆ նախագահական ընտրություններում կպաշտպանի Հանրապետական Միթ Ռոմնիի թեկնածությունը: Այս մասին հաղորդում է France-Presse գործակալությունը:
«Միթը կայուն է, խելացի, խորաթափանց. Նա թույլ չի տա, որպեսզի ինչ-որ վատ բան պատահի մեր երկրի հետ, որը մենք բոլորս սիրում ենք»,- ասել է միլիարդատերը՝ ելույթ ունենալով հաջակցություն Ռոմնիի:
Հայտարարությունն արվել է Լաս Վեգասում (Նևադա նահանգ)՝ Տրամպին պատկանող հյուրանոցում՝ Ռոմնիի և նրա կնոջ՝ Էննի ներկայությամբ:
Վերլուծաբանների կարծիքով՝ Տրամպի աջակցության արժեքը դժվար է գնահատել: Մի կողմից՝ նա հայտնի մեդիա կերպար է, մյուս կողմից՝ նրա աջակցությունը հազիվ թե համոզի ընտրողներին՝ փոխել իրենց նախասիրությունը:
Ավելի վաղ փորձագետները ենթադրում էին, որ Տրամպը, ամենայն հավանականությամբ, կսատարի մեկ այլ հանրապետական թեկնածուի՝ Նյութ Գինգրիչին, որն ավելի պահպանողական է համարվում, քան Ռոմնին,- նշում է գործակալությունը: