Մեդիամագնատ և միլիարդատեր Դոնալդ Տրամպը մտադիր է ԱՄՆ նախագահական ընտրությունների ժամանակ աջակցել ԱՄՆ ներկայացուցիչների պալատի նախկին խոսնակ Նյութոն Գինգրիչին: Այս մասին հայտնում է Reuters գործակալությունը:
Անցած տարվա կեսերին Տրամպը չի բացառել նախագահական քարզարշավին մասնակցելը, սակայն հետագայում հայտարարել է, որ հրաժարվում է նախագահական հավակնություններից: Դեկտեմբերին միլիարդատերը փոխեց իր` որպես ընտրողի գրանցման կարգը, որպեսզի, ինչպես վստահեցնում է իր փաստաբանը, կարողանա պահպանել նախագահական ընտրություններում որպես անկախ թեկնածու հանդես գալու հնարավորությունը: Տրամպը հրաժարվել է Հանրապետական կուսակցությունից նախագահի թեկանծություն առաջադրելուց այն պատճառով, որ իրեն դուր չի եկել, թե ինչպես են հանրապետականները իրենց պահել Կոնգրեսում աշխատավարձերի հիմնադրամից հարկեր վճարելու արտոնությունների երկարաձգելու հարցի վերանայման ժամանակ:
Նման կերպ, Գինգրիչի թեկնածությունն աջակցելը նոր փուլ կբացի ձեռնարկատերի քաղաքական հայացքների զարգացման վրա:
Ներկայացուցիչների պալատի նախկին խոսնակը հանրապետականների մրցավազքի առաջնորդներից մեկն է: Նրա գլխավոր մրցակիցը Մասաչուսեթսի նախկին նահանգապետ Միթ Ռոմնին է: