Սպիտակ տան խոսնակ Ջեյ Քարնին երեքշաբթի օրը վերսկսել է խոսակցություններն այն մասին, թե արդյոք նախագահ Օբաման չի՞ խախտել հետախուզության օրենքները, երբ հայտնել է Պակիստանում ԱՄՆ-ի գաղտնի ծրագրի վերաբերյալ:
The Washington Post-ը գրում է, որ Օբաման երկուշաբթի օրը, «Ալ-Կաիդա»–ի գրոհայինների դեմ ուղղված գործողությունների մասին խոսելիս, երկու անգամ արտասանել է «անօդաչու սարք» բառերը: Այն հարցին, թե արդյո՞ք նախագահը սխալ է թույլ տվել, Քարնին պատասխանել է, որ նախագահը չէր պատրաստվում քննարկել «թվացյալ գաղտնի ծրագրերը»:
Նա նաև ասել է, որ նախագահի ոչ մի խոսքն անվտանգության խախտում չի կարելի համարել, քանի որ նա ԱՄՆ զինված ուժերի հրամանատարն է և երկրի նախագահն է: