Չնայած դրսում ձմեռն ամբողջությամբ մտել է իր իրավունքների մեջ, երևանյան ակումբներում կարծես տիրում է տոնական ու ուրախ տրամադրություն:
«Գաֆէսճեան» արվեստի կենտրոնում, օրինակ, դասական արվեստի սիրահարները հնարավորություն ունեն ունկնդրել Աթյան տրիոյին: Հանդես կգան Հակոբ Աթյանը (թավջութակ), Հասմիկ Վարդանյանը (ջութակ), Արթուր Ավանեսովը (դաշնամուր): Ծրագրում կհնչեն Բեթհովեն, Մոցարտ, Մենդելսոն: Համերգների սկիզբը` 20:00-ին:
«Ուլիխանյան» ակումբում կհնչեն Gypsy King խմբի հանրահայտ ստեղծագործություններն ու ֆլամենկո երաժշտություն: Ակումբում ելույթ կունենան Մովսես Խաչիկյանը (կիթառ, վոկալ), Արսեն Բաղդասարյանը (կիթառ), Դեյվ Գեոդակյանը (բաս կիթառահար), Արկադի Կարապետյանը (բոնգո): Համերգի սկիզբը` ժ. 21:00-ին:
SYNKOPE Art Pub-ում ջազի սիրահարները ժ. 22:00-ից հետո կարող են ունկնդրել Bebop jazz:
Friends փաբում այսօր կհնչեն Coldplay բրիտանական ռոք խմբի ամենահայտնի ու սիրված կատարումները: Ելույթ կունենան Էդուարդ Փեշտմալյանը (ստեղնահար), Վաչե Ղարիբյանը (կիթառ), Միհրան Պետրոսյանը (վոկալ): Համերգի սկիզբը` 20:30-ին:
