«ժողովուրդ»-ի լավատեղյակ աղբյուրների փոխանցմամբ՝ Երևանի Ա. Լ. Միքայելյանի անվան վիրաբուժական ինստիտուտ է տեղափոխվել մանկապղծության համար դատապարտված Սերոբ Տեր-Պողոսյանը:
«Այս տեղեկությունը հաստատեց նաև հիվանդանոցի փոխտնօրեն Օնիկ Մելքոնյանը: Վերջինս նշեց, որ Սերոբ Տեր-Պողոսյանի առողջական վիճակն այս պահին բավարար է. «Իր մոտ հաստ աղիքի քաղցկեղ Է: 2010 թվականի սեպտեմբեր ամսին Միացյալ Նահանգներում հաստ աղիքի ուռուցքի համար իրեն վիրահատել են, այսինքն՝ ուռուցքը հեռացրել են, հետո աղիքը միացրել են իրար, հիմա նորից խնդիր կա: Այսպես ասած՝ միջին ծանրության վիրահատություն Է լինելու, եթե, իհարկե, ուրիշ խնդիրներ չառաջանան»:
Բժիշկը նշեց, որ դեռևս հետազոտում են Տեր- Պողոսյանին, իսկ եթե վիրահատության կարիք լինի, ապա կկատարվի հավանաբար հունվարի 31-ին»,-հավելում է թերթը:
