Twitter-ը փոխել է իր տեխնոլոգիաները, որպեսզի կարողանա գրաքննության ենթարկել սոցիալական ցանցում հայտնված հաղորդագրությունները:
Associated Press-ը հաղորդում է, որ հինգշաբթի օրն այս մասին արված հայտարարությունը կարող է հանգեցնել մտավախությունների, քանի որ թվում է, որ ընկերությունը թուլացնում է ազատ խոսքի իրավունքի նկատմամբ ունեցած իր հավատարմությունը` այսկերպ փորձելով տարածվել նաև այլ երկրներում և ավելի շատ փող աշխատել:
Բայց ընկերությունն ասում է, որ գրաքննությունը մի գործիք է, որով հնարավոր է այնպես անել, որ հաղորդագրութունները կրկին հասանելի լինեն այնքան շատ մարդու, որքան հնարավոր է, բայց և միևնույն ժամանակ կարողանան համաձայնեցվել տարբեր երկրներում գործող օրենքների հետ:
Նախկինում եթե Twitter-ը ջնջեր որևէ հաղորդագրություն կամ մեկնաբանություն կայքից, այն ամբողջովին անհետանում էր աշխարհի երեսից, իսկ այժմ եթե հաղորդագրությունը ունի օրենքին դեմ բովանդակություն, ապա այն տեսանելի չի լինի այդ երկրում, բայց մնացած բոլոր երկրների օգտատերերը կարող են տեսնել հաղորդագրությունը:
Ընկերությունը ամեն անգամ հաղորդագրությունը հեռացնելու ժամանակ այդ մասին կտեղեկացնի օգտատերերին:
