Եթովպիայում դատավորը լրագրողների և քաղաքական գործիչների 5 հոգանոց խմբին դատապարտել է ազատազրկման, իսկ ոմանց՝ անգամ ցմահ ազատազրկման:
Associated Press-ը հաղորդում է, որ այդ անձինք ձերբակալվել էին անցած տարի,իսկ անցած շաբաթ մեղադրվել են Եթովպիայի հակաահաբեկչական օրենքներով: Դատավոր Էնդեշոու Ադանեն այսօր ասել է, որ Եթովպիայի դաշնային գերագույն դատարանը Էլիաս Կայֆլին մեղավոր է ճանաչել ահաբեկչության մեջ: Նշենք, որ վերջինս ԱՄՆ-ում հիմնված ընդդիմադիր ինտերնետային կայքի հիմնադիրն ու գլխավոր խմբագիրն է:
Նրան դատապարտել են ցմահ ազատազրկման: Մյուս ընդդիմադիր լրագրողներն ու քաղաքական պաշտոնյաները նույն մեղադրանքով դատապարտվել են 13-19 տարվա ազատազրկման:
