Մարդու իրավունքների պաշտպանությամբ զբաղվող խումբն այսօր հայտնել է, որ Լիբիայի հիմնական բանակը և մի շարք այլ զինյալներ խոշտանգումների են ենթարկել նախկին բռնապետ Մուամար Քադաֆիի աջակիցներին և հավատարիմներին:
Ըստ AFP-ի՝ Amnesty International–ը հայտնել է, որ, չնայած խոստումներին, Լիբիայի նոր իշխանությունները որևէ առաջընթացի չեն հասել՝ բռնությունները դադարեցնելու հարցում: Հիշեցնենք, որ «Բժշիկներ առանց սահմանի» կազմակերպությունը դադարեցրել էր իր աշխատանքները Լիբիայի երրորդ ամենամեծ քաղաքում` Միսրաթայում` ներկայացնելով նույն մեղադրանքները:
Կազմակերպությունները ներկայացրել էին իրենց մեղադրանքներն այն բանից հետո, երբ ՄԱԿ-ի բարձրաստիճան պաշտոնյան հայտնել էր իր անհանգստություններն այն մասին, որ բանակը, որը հիմնականում կազմված է ապստամբներից, ովքեր օգնել են իշխանությունից հեռացնել Քադաֆիին, երկրի անվտանգությանը սպառնալիք է ներկայացնում:
