Բոստոնում Ջոն Քենեդու անվան գրադարանում հայտնաբերել են ԱՄՆ 35-ամյա նախագահի կյանքի վերջին 3 տարիներում արված հեռախոսային զրույցների և հանդիպումների 45 ժամ տևողությամբ ձայնագրությունները:
Ինչպես հաղորդում է ИТАР-ТАСС-ը, ձայնագրություններում կարելի է լսել, մասնսավորապես, ինչպես է Քենեդին քննարկում Վիետնամի հետ հակամարտությունը, ԽՍՀՄ-ի հետ հարաբերությունները, տիեզերական մրցարշավը, առաջիկա նախագահական ընրտրությունները:
Այսպես, լսելով Վիետնամ այցելության մասին իր օվնականների՝ միմյանց հակասող հաշվետվությունները՝ Սպիտակ տան ղեկավարը տարակուսանքով հարցնում է. «Դուք իրո՞ք երկուսդ էլ միևնույն երկրում եք եղել»:
Քննարկելով 1964 թ. գալիք նախագահական ընտրությունները՝ նախագահն առաջարկում է իր համար ստեղծել գունավոր հեռուստատեսային գովազդային հոլովակներ, որոնք, նրա կարծիքով, ավելի արդյունավետ կլինեն, քան սև-սպիտակ հոլովակները:
Ձայնագրություններից մեկում Քենեդին իր երեխաներին՝ Քարոլինին և Ջոնին, ծանոթացնում է խորհրդային արտգործնախարար Անդրեյ Գրոմիկոյի հետ: «Բարև ձեզ, բարև ձեզ: Ձեր երեխաները շատ հայտնի են մեր երկրում»,- լսվում է Գրոմիկոյի ձայնը: «Նրա առաջնորդն է ձեզ ուղարկել Պուշկինային»,- ասում է Քենեդին՝ նկատի ունենալով Նիկիտա Խրուշչովի կողմից նրանց նվիրված շունը:
Վերջին ձայնագրությունն արվել է Քենեդու մահից ընդամենը 2 օր առաջ: Այստեղ նա քննարկում է դեպի Տեխաս իր այցի մանրամասները:
Նախկին նախագահը ձայնագրությունները գաղտնի է պահել իր օգնականներից: Գրադարանի արխիվի ներկայացուցիչ Մաուրա Փորթերի խոսքերով՝ Քենեդին, հնարավոր է, նպատակ է ունեցել հետագայում դրանց հիման վրա հուշեր գրել:
Առաջին անգամ Քենեդիի ձայնագրությունների գոյության մասին հայտնի է դարձել 1973 թ.: 1993 թվից գրադարանը հրապարակել է ավելի քան 248 ժամ հանդիպումների և 12 ժամ հեռախոսային զրույցների ձայնագրություն: