Ճապոնիան վերջին 30 տարվա ընթացքում առաջին անգամ գրանցել է առևտրային հաշվեկշռի դեֆիցիտ: Այս մասին հայտնում է France-Presse գործակալությունը:
Ըստ Ճապոնիայի ֆինանսների նախարարության՝ առևտրային հաշվեկշռի դեֆիցիտը 2011 թվականի տվյալներով կազմել է 2,49 տրիլիոն յեն (32 միլիարդ դոլար): Ներմուծման ծավալը հաշվետու ժամանակահատվածում աճել է 12 տոկոսով, իսկ արտահանումը նվազել է 2,7 տոկոսով:
Ճապոնիայի առևտրային հաշվեկշռի դեֆիցիտի հիմնական պատճառներից մեկը ֆինանսների նախարարն անվանել է 2011 թվականի մարտին տեղի ունեցած երկրաշարժը և ցունամին, ինչպես նաև ազգային արժույթի բարձր փոխարժեքը:
Ճապոնիայի կառավարությունը 2011 թվականի հունիսին հայտարարել էր, որ մարտյան երկրաշարժից ու ցունամիից հետո երկրի տնտեսության կարուստները կազմել է 16,9 միլիոն յեն (210 միլիարդ դոլար):
