Հարցումների արդյունքները ցույց են տվել, որ թեև երիտասարդները Facebook-ում հազարավոր ընկերներ ունեն, բայց նրանցից միայն մի քանիսն են, որոնց վրա հնարավոր է հույս դնել կյանքի դժվար պահին:
Daily Mail-ը գրում է, որ հարցումներն անցկացրել է Macmillan Cancer Support-ը: Հարցումներին մասնակցել է 18-35 տարեկան 1000 մարդ:
Հարցումների արդյունքում պարզվել է, որ միջին հաշվով յուրաքանչյուր երիտասարդ Facebook սոցիալական ցանցում ունի 237 ընկեր, որոնցից միայն երկուսի վրա լուրջ խնդրի դեպքում հնարավոր կլինի հույս դնել:
Հարցմանը մասնակցողների մեկ քառորդը հայտնել է, որ միայն մի ընկեր ունի սոցիալական ցանցի ընկերների շարքում, ում վրա հնարավոր է հույս դնել, իսկ յուրաքանչյուր 8-րդ պատասխանողն ասել է, որ ինքը ոչ մի «իսկական» ընկեր էլ չունի:
Հարցման արդյունքներում գենդերային տարբերություն ևս նկատվել է: Առավել հավանական է, որ տղամարդիկ ոչ մի իսկական ընկեր չունենան ցանցում, քան կանայք: