Հանրապետության տարածքում եղանակը կպայմանավորվի անտիցիկլոնի ազդեցությամբ:
Այս գիշեր և հունվարի 25-ին օրվա առաջին կեսին ամբողջ տարածքում կդիտվի առանց տեղումների եղանակ: Հունվարի 25-ին կեսօրից հետո կդիտվի ամպամածության ավելացում, սակայն տեղումներ առայժմ չեն սպասվում:
«Առաջին լրատվական»-ը «Մետեո Թի Վի»-ից տեղեկանում է, որ օդի ջերմաստիճանն այս գիշեր առանձին վայրերում կնվազի 1-3 աստիճանով:
Քամու ուժգնությունը լեռներում և լեռնանցքներում հասնում է 20-23մ/վրկ:
Անկախ տեղումների առկայությունից կամ բացակայությունից, քամու առկայության պարագայում կդիտվի բուք, ավտոճանապարհներին ցածր տեսանելիություն, մերկասառույց:
Երևանում կդիտվի առանց տեղումների եղանակ, օրվա 2-րդ կեսին` ամպամածության ավելացում:
Առանձին վայրերում հավանական է մերկասառույցը, տեղ-տեղ քամի` 15մ/վրկ: Օդի ջերմաստիճանը գիշերը կլինի -4-6, ցերեկային ժամերին +3+5, երեկոյան -1+1:
