Anonymous ցանցահենային խմբի անդամները Twitter-ի իրենց միկրոբլոգում հերքել են այսօր ԶԼՄ-ներում տարածված այն լուրը, թե իբր իրենք պատրաստվում են հունվարի 28-ին հարձակվել Facebook սոցցանցի վրա:
«Դարձյալ պետք է ասենք, որ մենք չենք հարձակվի Facebook-ի վրա: Դարձյալ ԶԼՄ-ները ստում են»,- գրել են ցանցահեններն իրենց միկրոբլոգում:
Ավելի վաղ հաղորդվում էր, որ Anonymous ցանցահենային խմբի անդամները խոստացել են շաբաթ օրը՝ հունվարի 28-ին, հարձակում կազմակերպել Facebook սոցցանցի վրա՝ դրանով արտահայտելով իրենց առցանց բողոքը ԱՄՆ հակածովահենային SOPA (Stop Online Piracy Act) և PIPA (Protect IP Act) օրինագծերի դեմ: