Lord of the Rings ֆիլմի ռեժիսոր Փիթեր Ջեքսոնն ասում է, որ Դամիան Էքոլսն այժմ մահացած կլիներ, եթե չլիներ 1996 թվականի վավերագրական ֆիլմը, որը կասկած առաջացրեց այն մեղադրանքի վերաբերյալ, ըստ որի՝ նա երեք երեխա էր սպանել:
Associated Press-ը հաղորդում է, որ Ջեքսոնը և նրա կինը եկել էին Sundance ֆիլմերի փառատոնին` ներկայացնելու իրենց նոր փաստավավերագրական West of Memphis ֆիլմը, որտեղ ներկայացվում է Էքոլսի և երկու այլ մարդկանց պատմությունը, ովքեր բանտարկվել էին 18 տարով` 1993 թվականին Արկանզասում տեղի ունեցած սպանությունների մեղադրանքով: Էքոլսին դատապարտել էին մահվան, մինչդեռ մյուս երկուսին դատապարտել էին ցմահ ազատազրկման:
Sundance-ում 9 տարի առաջ առաջին անգամ ցուցադրված Paradise Lost փաստավավերագրական ֆիլմը դիտելուց և Էքոլսի դեպքի վերաբերյալ կասկածներ ունենալուց հետո Ջեքսոնն ու կինը 2005 թվականին ֆինանսավորել են հետաքննությունը, որը հանգեցրել էր իրենց նոր փաստավավերագրական ֆիլմի ստեղծմանը:
West of Memphis ֆիլմում ներկայացվում է հետաքննության ողջ գործընթացը, որի շնորհիվ անցած ամառ մեղադրյալներն ազատ արձակվեցին:
