Բրիտանիայում տղամարդը, ով կշռում էր 258 կիլոգրամ, կարողացել է կիսով չափ նվազեցնել իր քաշը:
Daily Mail-ը հաղորդում է, որ Մարք Սոուլսբին որոշել է նիհարել միայն այն բանից հետո, երբ քաշի պատճառով կոտրել է իր մեքենայի նստատեղը:
Մինչ նոր սննդակարգին անցնելը 39-ամյա տղամարդն իր քաշի պատճառով չի կարողացել անգամ տնից դուրս գալ, իսկ մի փոքր քայլելուց հետո շնչակտուր է եղել: Նրա քույրերը փորձել են համոզել փոխել սննդակարգը և ինչ-որ բանով զբաղվել, բայց նա անընդհատ հրաժարվել է:
Այժմ իր քաշի գրեթե կեսը կորցրած տղամարդը ցանկանում է ավելի նիհարել: Նա զբաղվում է լողով, լուսանկարչությամբ և կարողանում է իր երեխաների հետ դուրս գալ զբոսանքի: