Կուբացի այլախոհ Վիլման Վիլյարը մահացել է հինգշաբթի երեկոյան Սանտյագո դե Կուբա քաղաքի հիվանդանոցում 50-օրյա հացադուլից հետո: Այս մասին հայտնում է ИТАР-ТАСС-ը` վկայակոչելով ոստիկանության հաղորդագրությունը:
Նախնական տվյալների համաձայն՝ նա մահացել է արյան վարակման հետևանքով ներքին օրգանների ախտահարման պատճառով:
31-ամյա Վիլյարը «Կուբայի հայրենասիրական միություն» ընդդիմադիր կազմակերպության անդամ էր: 2011 թ. նոյեմբերին նա դատապարտվել էր չորս տարվա ազատազրկման:
Հացադուլի ժամանակ Վիլյարի առողջությունը կտրուկ վատացել է, և նրան տեղափոխել են հիվանդանոց:
Անցած տարվա փետրվարին Կուբայում 85-օրյա գործադուլից հետո մահացել էր 42-ամյա այլախոհ Օրլանդո Սապատան:
Սապատան, որը բանտում էր հայտնվել 2003 թ. մարտին, հացադուլ էր հայտարարել` բողոքելով վատ վերաբերմունքի, մասնավորապես ծեծի դեմ:
Նրա մահից հետո, հացադուլ է հայտարարել ևս մեկ ընդդիմադիր Գիլերմո Ֆարինյասը:
Կուբայի իշխանությունների հասցեին արված քննադատություններից հետո Կուբայի առաջնորդ Ռաուլ Կաստրոն հայտարարել է, որ այլախոհն ինքը մեղավոր կլինի, եթե սովից մահանա: Կաստրոն ասել է, որ իշխանությունները ընդառաջ չեն գնալու այլախոհին, որին դիտում են որպես ԱՄՆ-ի գործիք:
