Google ընկերության սոցիալական ցանցի օգտատերերն այժմ այլ մարդկանց հետ կարող են խոսակցություն սկսել հենց փնտրման արդյունքների միջոցով: Google+-ում հատուկ թեմա փնտրելու ժամանակ բացվում է մեկ այլ պատուհան, որը կոչվում է «միացիր քննարկմանը», որտեղ դուք կարող եք ձեր ընկերների հետ խոսել տվյալ թեմայի վերաբերյալ:
CNET News-ը հաղորդում է, որ այնուհետ ձեր գրած մեկնաբանությունները հայտնվում են Google+-ի թարմացվող բովանդակությունում, որտեղ և այլ մարդիկ կարող են տեսնել այն և միանալ քննարկմանը: Մյուս բովանդակության նման դուք կարող եք ձեր մեկնաբանությունները տեսանելի դարձնել սոցիալական ցանցի բոլոր օգտատերերի համար կամ ընտրել ձեր հատուկ խմբերից մեկը: Ձեր մեկնաբանությունը կհայտնվի նաև Google+-ի փնտրման արդյունքներում, երբ այլ մարդիկ նույն թեմայի վերաբերյալ ինչ-որ նյութ փնտրեն:
Սոցիալական ցանցի ստեղծումից հետո ընկերությունն անընդհատ նորանոր ծառայություններ է ավելացնում, որոնք ընդհանուր առմամբ նպատակ ունեն Google+-ն առավել հզոր դարձնել և առավել շատ օգտատերեր ձեռք բերել: