Ադրբեջանական Trend լրատվական գործակալության փոխանցմամբ՝ Ադրբեջանի նախագահ Իլհամ Ալիևն այսօր ընդունել է Եվրոպայի և Եվրասիայի հարցերով ԱՄՆ պետքարտուղարի փոխօգնական Էրիկ Ռուբինին։
Հանդիպման ժամանակ Ռուբինը նշել է, որ իր այս այցը տեղի է ունենում ԱՄՆ նախագահի և պետքարտուղարի հրահանգով։ Ռուբինը հույս է հայտնել, որ 2012 թվականին ավելի կընդլայնվեն ԱՄՆ-ի և Ադրբեջանի երկկողմանի հարաբերությունները։ Ալիևը նույնպես հույս է հայտնել, որ այս տարի երկու երկրների հարաբերություններում ձեռք կբերվեն լավ արդյունքներ։
Ընդհանուր առմամբ, հանդիպման ժամանակ կողմերը քննարկել են 2012 թվականին տարբեր ոլորտներում ԱՄՆ-ի ու Ադրբեջանի միջև համագործակցության ընդլայնմանն առնչվող հարցեր։