Պակիստանի վարչապետ Յուսուֆ Ռեզա Գիլանին հայտնել է, որ քաղաքացիական կառավարությունը ամբողջովին աջակցում է ռազմական ուժերին` այս կերպ փորձելով թուլացնել կառավարության և զինված ուժերի միջև առաջացած լարվածությունը:
Ինչպես հաղորդում է AFP-ն, վարչապետը հայտարարել է՝ զինված ուժերը Պակիստանի ուժի և կայունության հիմքն են, և ազգը ողջունում է իր հերոսական ուժերին` հայրենիքը պաշտպանելու համար:
«Մեր կառավարությունը և խորհրդարանը ու ամենից առաջ մեր հայրենասեր ժողովուրդը միշտ կանգնած են եղել մեր քաջ զինված ուժերի և անվտանգության աշխատակազմի կողքին»:
Հիշեցնենք, որ վարչապետը մի քանի օր առաջ զանգահարել էր Բրիտանիայի գլխավոր հանձնակատարին և օգնություն խնդրել` զգուշացնելով, որ երկրի զինված ուժերը, հնարավոր է, ռազմական հեղաշրջում սկսեն: