«Հրապարակ»-ը գրում է, որ հայտնի բանդայի քրեական գործի նյութերի համաձայն, բանդայի պարագլուխ համարվող Արտուշ Հակոբյանի հայրը` «Գառնիի Սուրիկի լավաշ» ընկերության սեփականատեր, գործարար, ԲՀԿ անդամ Սուրիկ Հակոբյանը երեկ կանչվել է հարցաքննության, որտեղ նա չորս ժամից ավելի քննվել է:
Հակոբյանը հարցաքննության մասին թերթի թղթակցի հետ զրույցում մանրամասներ չի հայտնել` նշելով միայն, թե խոստացել են երկուշաբթի օրը վերադարձնել իր տնից գործի համար առգրավված արժեքավոր իրերը, մասնավորապես` թանկարժեք նկարները: «Դե գիտեք, իմ երկու ավտոմեքենաներն էլ են ոստիկանությունում, բայց դե ասացին, որ դրանք տղաներինն են և դեռ պետք է մնան ոստիկանության մոտ»,- հայտնել է Հակոբյանը: