Գիտնականները հայտնում են, որ այն մարդիկ, ովքեր լրատվական ծառայությունների միջոցով հետևում են աշխարհում ընթացող իրադարձություններին, ավելի գիտակից են իրենց առողջության նկատմամբ և ավելի երկար են ապրում:
Daily Mail-ը գրում է, որ ըստ նոր հետազոտության արդյունքների, այն մարդիկ, ովքեր ավելի հաճախ են թերթեր կարդում, դիտում հեռուստատեսային լուրեր կամ հետևում լուրերին համացանցի միջոցով, ավելի առողջ սննդակարգի են հետևում, քան նրանք, ովքեր ավելի քիչ են տեղեկացված:
Ակնկալվում է, որ այս հետազոտությունը թույլ կտա պարզել ԶԼՄ-ների դերը առոջության մասին տեղեկացվածություն տարածելու մեջ:
Հետազոտության ընթացում, որին ավելի քան 1000 մեծահասակ է մասնակցել, գիտնականները փորձել են պարզել տեղեկացվածության և սննդակարգերի ընտրության կապը:
Նրանք պարզել են, որ այն մարդիկ, ովքեր ավելի տեղեկացված են, ավելի շատ են սնվում թարմ մրգերով և բանջարեղենով, որը նվազեցնում է նրանց քաղցկեղով կամ սրտային հիվանդություններով տառապելու հավանականությունը:
Հռոմի Catholic University of the Sacred Heart համալսարանի գիտնական և հետազոտության գլխավոր հեղինակ Ամերիկո Բոնաննին ասել է, որ իրնեք ավելի շատ կենտրոնացել են հիմնականում միջերկրական սննդակարգի վրա:
Հետազոտությունը հրապարակվել է Հանրային առողջության միջազգային ամսագրում:
