Այսօր ավտովթար է տեղի ունեցել Վայոց ձորի մարզում: Ժամը 15-ի սահմաններում Երևան-Երասխ-Մեղրի-Իրան միջպետական ավտոճանապարհի 158/6-րդ կիլոմետրում դիզելային վառելիք տեղափոխող բեռնատար ՄԱՆ մակնիշի 555 ԼԼ 54 համարանիշի ավտոմեքենայի վարորդը Սարալանջ գյուղի հատվածում դուրս է եկել երթևեկելի գոտուց և կողաշրջվել: Այս մասին Facebook–ի իր էջում գրում է ֆոտոլրագրող Գագիկ Շամշյանը։
Բարեբախտաբար զոհեր և վիրավորներ չկան: Վթարից հետո բաքերում գտնվող դիզվառելիքային սոլյարկան դատարկել են այլ բեռնատարի մեջ:
Բեռնատարը վարել է Սյունիքի մարզի Սիսիան քաղաքի բնակիչ Խաչիկ Ղազարյանը:
Դեպքի վայրում հավաքվածները պատմել են, որ բեռնատարը պատկանում է «ԳԵՊՈ տանիք» ՍՊԸ-ին, որի սեփականատերն է ԱԺ պատգամավոր Հերմինե Նաղդալյանը։
Լուսանկարը՝ Գագիկ Շամշյանի