Հունվարի 12-ին ինքնասպանություն է գործել Հայփոստ ՓԲԸ Կոտայքի բաժանմունքի ավագ գանձապահ Անդրանիկ Մանուկյանը: Այս լուրը «Առաջին լրատվական»-ի հետ զրույցում հաստատեցին ՀՀ ոստիկանության հասարակայնության հետ կապի և լրատվության վարչությունից:
Հունվարի 12-ին ժամը 15.00-ին Աբովյան բժշկակական կենտրոնից ոստիկանություն հաղորդում է ստացվել, որ իրենց մոտ է տեղափոխվել Անդրանիկ Մանուկյանը` 1963թ ծնված:
«Մեկնած օպերատիվ խումբը պարզել է, որ Մանուկյանը նույն օրը 14.20-ի սահմաններում Աբովյան-Գետամեջ ճանապարհի 3-րդ կմ ծառերի տակ ինքնասպանություն գործելու նպատակով խմել է երեք շիշ էսենցիայի լուծույթ և տեղափոխվել հիվանդանոց»,- տեղեկացրին հասարակայնության հետ կապի վարչությունից`հավելելով, որ նույն օրը ժամը 20.00-ի սահմաններում, Անդրանիկ Մանուկյանը, գիտակցության չգալով, մահացել է:
Ոստիկանությունը պարզում է ինքնասպանության հանգամանքները և փաստի առթիվ պատրաստվում են նյութեր:
