РИА Новости-ի փոխանցմամբ՝ Իրանը ՄԱԿ ԱԽ-ին ու ՄԱԿ-ի գլխավոր քարտուղար Պան Գի Մունին կոչ է արել դատապարտել երեկ առավոտյան 32-ամյա իրանցի ատոմագետ-գիտնական Մուսթաֆա Ահմադի Ռոշանի սպանությունը։ Այս մասին նշված է ՄԱԿ-ում Իրանի մշտական ներկայացուցիչ Մոհամադ Խազաիի գրած նամակում։
Դրանում նշված է, որ ՄԱԿ ԱԽ անդամ երկրները, ինչպես նաև Պան Գի Մունը պետք է կտրականապես դատապարտեն այդ անմարդկային ահաբեկչական ակտը և արդյունավետ միջոցներ կիրառեն ամեն տիպի ահաբեկչությանը վերջ դնելու համար։
Հիշեցնենք, որ երեկ Իրանի անվտանգության ծառայությունը ատոմագետ-գիտնականի պայթեցման մեջ մեղադրել է Իսրայելի հատուկ ծառայություններին։
