Hyundai Elantra-ն Հյուսիսային Ամերիկայի Դետրոյթի ավտոսալոնում ուղևորտար ավտոմեքենաների դասում ճանաչվել է տարվա լավագույն մեքենա: Այս մասին հայտնվում է միջոցառման կազմակերպիչների պաշտոնական կայքում:
Hyundai Elantra-ն շրջանցել է այս ենթախմբի եզրափակչի մասնակիցներ Ford Focus-ին և Volkswagen Passat-ին: Անցած տարի հաղթել է Chevrolet Volt 2011-ը:
Առանձնահատուկ նշվել է կոմպակտությունը Hyundai Elantra ավոմեքենայի, որի գլխավոր առավելությունը բենզինի նվազագույն ծախսն է. հարյուր կիլոմետր ճանապարհի վրա միջին ծախսը կազմում է յոթ լիտր: Կոմպակտությամբ և տնտեսման առումով Elantra-ն կարող է մրցակցել այնպիսի հսկաների հետ, ինչպիսիք են Honda և Toyota-ն:
Ամենագնացների շրջանում հաղթել է Land Rover Range Rover Evoque-ը, որը շրջանցել է նախորդ տարվա հաղթողին` FordExplorer-ին: Եռյակում հայտնվել են BMW X3 և Honda CR-V ամենագնացները:
Տարվա լավագույն ավտոմեքենաները ընտրվել են 50 լրագրողների շրջանում անցկացված գաղտնի քվեարկության արդյունքում: Միջազգային հյուսիսամերիկյան ավտոսալոնը, որը 2012 թվականին անցկացվում է 24-րդ անգամ, շարունակվելու է հունվարի 23-ին: Երկուշաբթի սկսվել էր ավտոմեքենաների նախնական ցուցադրությունը:
