Աշխարհի երկրորդ ուժեղագույն շախմատիստ Լևոն Արոնյանը 2012 թվականի հունվարի 14-29-ն ընկած ժամանակահատվածում կմասնակցի Վայք-ան-Զեեի մրցաշարին:
A մրցաշարում Հայաստանի ներկայացուցչի հակառակորդները կլինեն` Մագնուս Կառլսենը (Նորվեգիա), Սերգեյ Կարյակինը (Ռուսաստան), Վեսելին Տոպալովը (Բուլղարիա), Վասիլի Իվանչուկը (Ուկրաինա), Վուգար Հաշիմովը (Ադրբեջան), Գատա Կամսկին (ԱՄՆ), Հիկարու Նակամուրան (ԱՄՆ), Թեյմուր Ռաջաբովը (Ադրբեջան), Բորիս Գելֆանդը (Իսրայել), Անիշ Գիրին (Նիդերլանդներ), Ֆաբիանո Կարուանան (Իտալիա), Դավիդ Նավարան (Իտալիա), Լյուկ վան Վելին (Նիդերլանդներ):
Հիշեցնենք, որ 2007 թվականին Արոնյանն առաջին տեղը կիսել է Վեսելին Տոպալովի և Թեյմուր Ռաջաբովի, իսկ 2008-ին` Մագնուս Կառլսենի հետ:
