«Փարիզյան սուրճի» արդեն նախկին սեփականատեր, ֆրանսահայ գործարար Վալերի-Աշխեն Գործունյանը առաջիկայում հնարավոր է դիմի Եվրոպական դատարան՝ ընդդեմ Հայաստանի կառավարության:
«Ես կարող է նույնիսկ պետության դեմ դատ բացեմ Եվրոպական դատարանում, որովհետև իրենց որոշումների պատճառով իմ ունեցվածքը կորցրել եմ: Հիմա, երբ ամեն ինչ կորցրել եմ, ես ժամանակ ունեմ: Ես գիտեմ, որ Եվրադատարան դիմելը ժամանակ կտևի, բայց գոնե այս իշխանությունները անպատիժ չեն մնա: Հասկանո՞ւմ եք, ես շատ մեծ ունեցվածք եմ կորցրել Հայաստանում: Ինչո՞ւ պիտի իրենց պատճառով իմ ամեն ինչը կորցնեմ»,- երեկ Փարիզից «ՀԺ»-ի հետ զրույցում ասել է Գործունյանը:
