Մայիսին կայանալիք խորհրդարանական ընտրությունների հետ կապված անշարժ գույքի շուկայում աշխուժության նվազում է սպասվում: Նման կանխատեսում «Առաջին լրատվական»-ի հետ զրույցում արեց D.G.A. Realty գործակալության տնօրեն Լուսինե Նազարյանը:
«Այս վերջին 3 տարիներին ընդհանուր առմամբ անկայուն վիճակ է, և ամբողջ տարվա համար կանխատեսել հնարավոր չէ: Սպասելիքները չեն արդարացնում իրենց, հայկական շուկան հակասում է նորմալ շուկային, և միտումները 10-15 օր հետո պարզ կլինեն»,- ասաց Լ. Նազարյանը՝ հավելելով, որ անցած տարի հոկտեմբերից մինչև մարտ էր պասիվ, դրա առաջին տարին նմանատիպ, այս տարի աշնանը ինչ-որ աշխուժություն եղել է, սակայն սովորաբար տարվա սկզբին շուկան ավելի պասիվ է լինում:
Լ. Նազարյանի խոսքով, անցած տարի անշարժ գույքի շուկայում գների որոշակի իջեցումից հետո կայունություն եղավ, ինչը բերեց շուկայի աշխուժության: Այս տարվա ընթացքում Լ. Նազարյանը գների զգալի փոփոխություն չկանխատեսեց: