Բեռլինում ավարտվել է Գերմանիայի կանցլեր Անգելա Մերկելի ու Ֆրանսիայի նախագահ Նիկոլա Սարկոզիի հանդիպումը: Եվրախորհրդի գագաթնաժողովից առաջ նրանք քննարկել են ֆինանսական ինտեգրացիայի ուժեղացմանն ու եվրոգոտու տնտեսական աճի խթանմանը նպաստող հարցեր: Այս մասին գրում է «Ազատություն» ռադիոկայանի ռուսական բաժինը:
Հանդիպման ժամանակ երկու կողմերը համաձայնության չեն եկել ԵԽ-ում ֆինանսական գործողությունների համար հարկ սահմանելու հարցում: Ֆրանսիան գտնում է, որ անհրաժեշտության դեպքում պետք է անցկացնել հարկային այս բարեփոխումը: Մինչդեռ Գերմանիան ցանկանում է իմանալ դրա վերաբերյալ ԵԽ անդամ մյուս երկրների կարծիքները:
Գերմանիայի խորհրդարանի Սոցիալ-դեմոկրատական կուսակցության խմբակցության գլխավոր քարտուղար Անդրեա Նալեսը հայտնել է, որ Գերմանիան պետք է պաշտպանի Ֆրանսիայի՝ հարկի ներմուծման վերաբերյալ որոշումը:
Նալեսի կարծիքով՝ այս որոշման ընդունումն ու իրականացնումը ԵԽ-ի համար կարող է դառնալ ֆինանսական աղբյուր:
