Ռուսական Regnum լրատվական գործակալության փոխանցմամբ, Թուրքիայի պաշտպանության նախարար Իսմեթ Յըլմազը դժգոհել է հարևան երկրներից.
«Թուրքիան գտնվում է շատ զգայուն տարածաշրջանում, ինչի համար էլ մշտապես պետք է պատրաստ լինի մարտահրավերներին։ Թուրքիային սահմանակից շատ երկրներում նկատվում է ճգնաժամ, որը յուրաքանչյուր պահի կարող է վերածվել զինված բախման։
Հնարավոր է՝ աշխարհում գոյություն չունի Թուրքիայի նման մեկ այլ երկիր ևս, որը շրջապատված լինի անկայուն հարևաններով։ Մենք բոլորս հետևում ենք, թե ինչ զարգացումներ են ծավալվում Իրանում, Սիրիայում, Իրաքում։ Բացի այդ, մեր հարևաններն են միմյանց հետ պատերազմական վիճակի մեջ գտնվող Հայաստանն ու Ադրբեջանը։
Այնպես որ, մենք պետք է պատաստ լինենք բոլոր մարտահրավերներին։ Այդպիսի իրավիճակում մենք պետք է մտածենք մեր անվտանգության մասին։ Միայն մեր երկրի ուժեղ զինված ուժերը կարող են ապահովել տարածաշրջանում մեր առաջատար լինելը»։
