Ուկրաինայի նախկին վարչապետ Յուլյա Տիմոշենկոյի ամուսինը՝ Ալեքսանդր Տիմոշենկոն, քաղաքական ապաստան է խնդրել Չեխիայից: Այս մասին հաղորդում է Reuters գործակալությունը՝ վկայակոչելով Չեխիայի կառավարության իր աղբյուրը:
Համապատասխան տեղեկություն է հրապարակվել նաև չեխական Pravo թերթում: Վերջինիս տեղեկություններով՝ այդպիսի խնդրանքով Տիմոշենկոն Չեխիային դիմել էր դեռ 2011թ. վերջին:
Հիշեցնենք, անցյալ տարվա հոկտեմբերին Կիևի դատարանը Յուլյա Տիմոշենկոյին դատապարտեց 7 տարվա ազատազրկման՝ 2009թ. Ռուասստանի հետ գազի պայմանագրի կնքման ժամանակ լիազորությունները չարաշահելու մեղադրանքով:
