Գործող իշխանությունների քաղաքական հիմնական հենարանը կրիմինալն ու օլիգարխիան են, հետևաբար առանց դրանց իշխանությունները մեկ օր անգամ չեն կարող գոյատևել: «Առաջին լրատվական»-ի հետ զրույցում նման տեսակետ հայտնեց ՀԱԿ ներկայացուցիչ Սուրեն Աբրահամյանը՝ անդրադառնալով իշխանության հայտարարություններին, համաձայն որոնց իրենք հետևողական են լինելու բիզնեսը խորհրդարանից տարանջատելու գործում և այդ ուղղությամբ քայլեր են ձեռնարկելու:
«Այնպես որ, նման հայտարարություններով ուղղակի ապագա արդար ընտրությունների սցենար են կառուցում: Պարզապես այս անգամ ռեժիսուրան ավելի լավ է գրված: Հիմա «քավության նոխազ» է դառնում օլիգարխիան, չնայած օլիգարխներն իրականում այնքան էլ քավության նոխազ չեն»,- նկատեց ՀԱԿ ներկայացուցիչը:
