Չինաստանում ժամանցային հեռուստահաղորդումների թվաքանակը մեկ շաբաթվա ընթացքում կրճատվել է` 129-ից հասնելով 38-ի:
Ինչպես հայտնում է Xinhua գործակալությունը, այս մասին ասվում է Ռադիոյի և հեռարձակման պետական վարչությունում (State Administration of Radio, Film and Television, SARFT):
Ժամանցային հաղորդումների կրճատումը պայմանավորված է կարգավորիչի պահանջներով: Հաղորդվում էր, որ 2012 թվականից բոլոր 34 արբանյակային ալիքները շաբաթվա ընթացքում ցուցադրելու են միայն 2 շոու: Բացի այդ, 19:30-22:00 «ժամանցային» եթերին տրվելու է 90 րոպե:
Դրա փոխարեն հեռուստաալիքներով ցուցադրվելու են այնպիսի հաղորդումներ, որոնք քարոզում են «ներդաշնակություն, առողջություն և ավանդական մշակույթ», ինչպես նաև հեռարձակվելու են նորությունների լրացուցիչ թողարկումներ:
Չինաստանի կոմունիստական կուսակցության ղեկավարությունը մեկ անգամ չէ, որ կոչ է արել հեռուստաեթերից հեռացնել «ցածրորակ» ժամանցային ծրագրերը: Իշխանությունների կարծիքով՝ երկրի տնտեսական վերելքը պահանջում է նաև մշակութային բարեփոխումներ:
