Ինչպես հայտնում է ադրբեջանական SalamNews-ը, Wall Street Journal-ում տպագրված հարցազրույցում Թուրքիայի վարչապետի արտաքին հարցերով խորհրդականը` Իբրահիմ Քալընը, հայտարարել է, որ Թուրքիայի կարևոր դերը Մերձավոր Արևելքում դեռ կշարունակվի:
Հղում կատարելով թուրքական պարբերականներին` SalamNews-ը հայտնում է, որ Սիրիայում ըմբոստության ընդլայնումից, ամերիկյան զորքերի հետքաշումից, ինչպես նաև Իրաքում զինված բախումներից հետո Թուրքիայի հարավային սահմանին իրավիճակը լարվեց:
Իբրահիմ Քալընը նկատել է, որ «արաբական գարունը» մեծ հնարավորություններ է բացել Թուրքիայի և ամբողջ տարածաշրջանի համար: Նա նաև հավելել է, որ արաբական երկրներից շատերում առաջին անգամ են ազատ ընտրություններ անցկացվել:
