Ֆրանսիական «Լիբերասիոն» թերթը Ֆրանսիայի նախագահ Նիկոլա Սարկոզիին մեղադրում է ֆինանսական խարդախությունների մեջ:
Թերթի տրամադրության տակ է հայտնվել պաշտպանության նախարարության նախկին պաշտոնյաներից մեկի հարցաքննությունը: Վերջինս պատմել է, որ 1994 թ. Սարկոզին, երբ Էդուրադ Բալադյուրի կառավարությունում զբաղեցնում էր բյուջեի հարցերով նախարարի պաշտոնը, թույլատրել է ստեղծել երկու միջնորդական ընկերություն:
Դրանց հաշիվների վրա Լյուքսենբուրգում փոխանցվել են Պակիստանի հետ ստորջրյա նավերի վաճառքի պայմանագրերից եկած գումարները:
Reuters գործակալության տվյակներով՝ ընկերությունները 2 տարվա ընթացքում ստացել են շուրջ 185 մլն ֆրանկ: Հետաքննությունը չի բացառում, որ այդ գումարների մի մասը ծախսվել է 1995 թ. Բալադյուրի նախենտրական քարոզարշավի վրա:
Սարկոզին այդ ժամանակ եղել է նրա պաշտոնական ներկայացուցիչը: Այժմ նա բոլոր մեղադրանքները հերքում է: