Նոր տարուց ակնկալիքները մեծ են միշտ լինում, նոր սպասելիքներ կան, ինչ-որ բաներ արդեն կանխատեսելի են, ինչ-որ բաներ ընթացքի մեջ են, որ լինեն, ինչ-որ ծրագրեր էլ չեն ստացվի:
«Առաջին լրատվական»-ի հետ զրույցում, խոսելով 2012թ. պլանների, ակնկալիքների մասին, ասաց դերասան Տիգրան Ներսիսյանը:
Հարցին` արդյո՞ք ակնկալիքներն ավելի շատ կապված են ստեղծագործակա՞ն, թե՞ անձնական կյանքի հետ, դերասանն ասաց, որ ներկայում թատրոնում աշխատանքներ են տարվում Վ. Շեքսպիրի «Ջոն արքա» պիեսի վրա, 2012թ. այն արդեն կբեմադրվի:
«Պրեմիերան կլինի արդեն հաջորդ տարի: Հենց այդ ներկայացումով է Գաբրիել Սունդուկյանի անվան ազգային-ակադեմիական թատրոնը մայիսին պատրաստվում ներկայանալ «Գլոբուս» թատրոնում, որտեղ Լոնդոնում կմասնակցենք Օլիմպիադայի»,- նշեց դերասանը:
Բեմադրության ռեժիսորը Տիգրան Գասպարյանն է, խաղում են թատրոնի Գ. Սունդուկյանի թատրոնի դերասանները:
«Ես իմ թատրոնն ունեմ, որտեղ էլ հիմնականում հանդես եմ գալիս: Նախապես ծրագրում ենք, հետո հիասթափվում, որ չի ստացվում և դրա համար կարծում եմ` որոշ բաներ Աստծո կամոք կիրականանան»,- ասաց դերասանը:
