Դատական իշխանությունը պետք է անկախ անկողմնակալ պետք է լինի: «Առաջին լրատվական»-ի հետ զրույցում նման տեսակետ հայտնեց իրավապաշտպան Հովիկ Արսենյանը` ամփոփելով տարին մարդու իրավունքների ոլորտում: « Դատական իշխանությունը պետք է անկախ, անկողմնակալ լինի, յուրաքանչյուրը պետք է կատարի իր գերատեսչական, իր ֆունկցիոնալ պարտավորությունները, մարդու իրավունքների ոլորտում մնացել է միայն անունը, սահմանադրական իրավունքները, ազատությունները չեն պաշտպանվում: Այսօր ՀՀ-ում գործում է կույր մեխանիզմը, համակարգն այնպիսին է, որ կարող են ցանկացած պահի, ցանկացած անձի անկախ դիրքից, պաշտոնից, սոցիալական պայմաններից ձերբակալել»,- նշեց Հ. Արսենյանը:
Անդրադառնալով ձեռքբերումներին` ասաց, որ դրանց մասին ցավոք սրտի խոսք լինել չի կարող: Ըստ նրա` ընդհակառակը տարեցտարի վատանում է այս ոլորտը: « Այն, ինչը որ կա, միայն թղթի վրա է մնացել, իսկ առաջընթաց ունենալ այս բնագավառում, պատկերացում չունեմ երբ կլինի: Կցանկանամ, որ հաջորդ տարի մարդը պաշտպանված լինի»«- նշեց իրավապաշտպանը` հավելելով, որ պետք է ժողովրդավարություն, օրենքի գերակայություն, օրինական ընտրություններ: