Ադրբեջանական Vesti.az-ը, վկայակոչելով թուրքական լրատվամիջոցներին, հայտնում է, որ 158 լիբիացիներ, որոնք մասնակցել են լիբիական նախկին առաջնորդ Մուամար Քադաֆիի վերջին ապաստարանի գրոհին, պետք է 40 օր ու գիշեր բուժում ստանան և հանգստանան Ստամբուլում։ Այդ լիբիացիների թվում, որոնց անվանում են նաև «գլադիատորներ», կան այնպիսիք, ովքեր անմիջականորեն մասնակցել են Քադաֆիի սպանությանը։
Լիբիայի կառավարության որոշմամբ «գլադիատորների» բուժման ու հանգստի համար վճարելու է պետությունը։ Նրանք բնակվում են 5 աստղանի հյուրանոցում, այցելում են Ստամբուլի պատմական վայրեր, կատարում են գնումներ։ Նրանց թվում են նաև 2 կին և 2 երեխա։
Ի պատասխան այն հարցին՝ արդյոք իրենք չափազանց դաժան չե՞ն վարվել Քադաֆիի հետ, «գլադիատորներից» մեկը պատասխանել է. «Դա նրան քիչ է։ Նա սպանել է իմ հղի մորը։ Այդպիսիք, ինչպիսին որ ես եմ, շատ կան»։