TRT-ի ռուսական ծառայության փոխանցմամբ՝ երեկ Չանքայա նախագահական նստավայրում տեղի է ունեցել Ազգային անվտանգության խորհրդի այս տարվա վերջին նիստը, որը նախագահել է երկրի նախագահ Աբդուլլահ Գյուլը։
Նիստի օրակարգում են գտնվել Ֆրանսիայի հետ հարաբերություններն ու ահաբեկչության դեմ պայքարը։ Վերջնական փաստաթղթում շեշտը դրվել է Ֆրանսիայի խորհրդարանի կողմից ընդունած Հայոց ցեղասպանության հերքումը քրեականացնող օրինագծին վճռական հակազդեցության վրա։
Նշվում է, որ այսուհետ նույնպես շարունակվելու է ահաբեկչության դեմ անզիջում պայքարը։ Այդ պլանում հույս է հայտնվել Իրաքի հետ համագործակցության վերաբերյալ։
Փաստաթղթում խոսք է գնում նաև Սիրիայում քաղաքացիական բնակչության նկատմամբ գործադրվող բռնություններին վերջ տալու անհրաժեշտության մասին։
