Չինաստանի կաթնամթերքի արդյունաբերությունը նոր սկանդալի պատճառ է դարձել այն բանից հետո, երբ երկրի կաթ արտադրող ամենամեծ ընկերության կաթի մեջ քաղցկեղ առաջացնող թունավոր նյութեր են հայտնաբերվել:
Ըստ Mengniu Dairy Group (MDC)-ի՝ կաթի մեջ հայտնաբերվել են թունավոր նյութեր, որոնք լյարդի քաղցկեղ են առաջացնում: Բարեբախտաբար, բացահայտումն արվել է մինչև կաթի՝ շուկայում հայտնվելը և հանրությանը վաճառվելը:
Չինաստանում վերջին շրջանում կաթնամթերքի արդյունաբերության հետ կապված նման խնդիրները հաճախակի են դարձել:
Mail Online-ը գրում է, որ 2008 թվականին առնվազն 6 երեխա էր մահացել և ավելի քան 300.000-ը հիվանդացել էր՝ կաթի փոշուց թունավորվելու պատճառով:
Արդյունաբերական քիմիական նյութերն անօրինաբար ավելացվում են կաթնամթերքին, որպեսզի դրանք սպիտակուցներով հարուստ թվան:
