Իրանը շաբաթ օրը Հոմուզի նեղուցում սկսել է ծովային զինավարժություններ իրականացնել, ինչի հետևանքով մտավախություն է առաջացել, որ նա պատրաստվում է պատերազմի:
Mail Online-ը գրում է, որ ռազմական զինավարժությունները սկսվել են հենց այն ժամանակ, երբ Իրանի միջուկային ծրագրի պատճառով Թեհրանի և Արևմուտքի միջև լարվածությունը մեծանում է:
Որոշ վերլուծաբաններ և պաշտոնյաներ հայտնում են, որ Իրանի Իսլամական Հանրապետությունը կարող է փորձել փակել նեղուցը՝ Արևմուտքի հետ որևէ պատերազմական գործողություն սկսելու դեպքում:
Հիշեցնենք, որ Իսրայելն ու ԱՄՆ-ը չեն բացառել Իրանի դեմ ռազմական գործողությունների հավանականությունն այն դեպքում, եթե դիվանագիտության և Թեհրանի նկատմամբ սահմանված պատժամիջոցների միջոցով չկարողանան վերահսկել Իրանի միջուկային ծրագիրը:
