ԱՄՆ Կոնգրեսի երկու պալատները ընդունել են Բելառուսի նկատմամբ սահմանված պատժամիջոցները: Ինչպես հաղորդում է Reuters գործակալությունը, առաջիկայում փաստաթուղթը կուղարկվի նախագահ Բարաք Օբամայի հաստատմանը:
Օրինագիծը նախատեսում է մեծացնել այն բելառուսցի պաշտոնյաներից ցուցակը, որոնց արգելվում է մուտք գործել ԱՄՆ տարածք, ինչպես նաև ավելացնել Բելառուսի իշխանությունների դեմ տնտեսական պարտժամիջոցները:
Բացի այդ, փաստաթղթով նախատեսվում է դիմել Հոկեյի միջազգային դաշնային ֆեդերացիա՝ խնդրանքով վերանայել 2014 թ. հոկեյի աշխարհի առաջնությունը Մինսկում անցկացնելու որոշումը:
Օրինագծի պայմանների համաձայն՝ հանրապետության վրայից պատժամիջոցները կհանվեն այն ժամանակ, երբ երկրի իշխանությունները ազատ արձակեն բոլոր քաղբանտարկյալներին և երկրում անցկացնեն նախագահական և խորհրդարանակն ընտրություններ՝ համաձայն ԵԱՀԿ չափորոշիչների:
