Հայտնի ռեժիսոր Լյուք Բեսսոնին մեղադրել են գրագողության մեջ: Ինչպես հաղորդում է France-Presse գործակալությունը, համապատասխան հայցով Փարիզի դատարան են դիմել երկու ֆրանսիացի դերասաններ, որոնք պնդում են, որ Բեսսոնն իրենց «Խոլորձի ուրվականը» կարճամետրաժ ֆիլմն օգտագործել է իր «Կոլոմբիանա» ֆիլմում:
Հայցորդների փաստաբանը պատմել է, որ 6 տարի առաջ դերասաններն իրենց ֆիլմի կրկնօրինակն ուղարկել էին ռեժիսորին, բայց այդպես էլ ոչ մի պատասխան չէին ստացել: Նրանց կողմից որևէ նյութական հավակնությունների մասին չի հաղորդվում: Ինքը՝ Բեսսոնը, առայժմ չի մեկնաբանել իր հասցեին հնչած մեղադրանքները:
