Քրդական Fırat լրատվական գործակալության փոխանցմամբ՝ Թուրքիայի Ազգային մեծ ժողովի (ԹԱՄԺ) նախագահ Ջեմիլ Չիչեքը զգուշացրել է Ֆրանսիային՝ կապված Ֆրանսիայի խորհրդարանի կողմից դեկտեմբերի 22-ին Հայոց ցեղասպանության հերքումը քրեականացնող օրինագծի ընդունման հետ։
Չիչեքը հայտարարել է, որ եթե Ֆրանսիայի խորհրդարանն ընդունի «նմանատիպ սխալ» որոշում, ապա Ֆրանսիան «շատ թանկ կվճարի» դրա համար։
Հիշեցնենք, որ 5 օր առաջ Չիչեքը նմանատիպ նամակ էր հղել իր ֆրանսիացի գործընկերոջը։
Ի դեպ, Ջեմիլ Չիչեքը պատկանում է թուրք քաղաքական գործիչների ծայրահեղ հակահայկական թևին՝ հանդիսանալով քրեական օրենսգրքի տխրահռչակ 301-րդ հոդվածի կնքահայրերից ու ջատագովներից մեկը, ինչի համար էլ ստացել է «301-րդ Ջեմիլ» մականունը: