Բավական մեծ է հավանակությունը, որ ՀՀԿ-ն և ԲՀԿ-ն առաջիկա խորհրդարանական ընտրություններին կգնան միասնական ցուցակով: Այսօր կայացած մամուլի ասուլիսում այս մասին հայտարարեց քաղաքագետ Ալեքսանդր Իսկանդարյանը:
Ըստ քաղաքագետի` այն, ինչ տեղի է ունենում այդ երկու կուսակցությունների միջև, իրական մրցակցություն է, այլ ոչ թե փոթորիկ` մեկ բաժակ ջրում. «ԲՀԿ-ն այժմ փորձում է ամրապնդել իր դիրքերը»:
Անդրադառնալով առաջիկա մայիսին կայանալիք խորհրդարանական ընտրություններին`Ալեքսանդր Իսկանդարյանը տեսակետ հայտնեց, որ եթե այդ ընտրությունները անցկացվեն մոտակա կիրակի, ապա ԱԺ կանցնեն չորս քաղաքական ուժեր` ՀՀԿ, ԲՀԿ, ՀՅԴ և ՀԱԿ: Մնացած կուսակցությունների առումով վստահ չեմ, որ նրանք կկարողանան մուտք գործել խորհրդարան»,-ամփոփեց քաղաքագետը: