Ինչպես հայտնում է the Fox News-ը հեռուստաալիքը, մադամ Տյուսոյի թանգարանը հերթական անակնկալն է պատրաստում: Թանգարանի Վաշինգտոնի մասնաճյուղում պատրաստվում են ցուցադրել ԱՄՆ 44 նախագահների մոմե արձանները: Ցուցահանդեսը կբացվի փետրվարին` այսպես կոչված «Նախագահների օրվանից» առաջ:
Արձանների գրեթե կեսն արդեն պատրաստ է, այդ թվում՝ Սպիտակ տան ներկայիս ղեկավարի` Բարաք Օբամայի մոմե արձանը: Նա, ի դեպ, կներկայանա կնոջ հետ:
Նախագիծը կարժենա մոտավորապես 2 միլիոն դոլար։ Ցանկացած ցուցադրանմուշ ստեղծվում է երկու ամսվա տաժանակիր աշխատանքների արդյունքում: Եթե ժամանակակից հերոսներին կարելի է ուսումնասիրել տեսանյութերի միջոցով, ապա ավելի վաղ ժամանակներում ապրած հերոսների մոմե արձանիկները ստեղծում են հիմնվելով հին նկարների վրա: