Ադրբեջանական Salam News գործակալության փոխանցմամբ՝ ԵԽ-ի փարիզյան բյուրոյում տեղի է ունեցել ԵԽԽՎ-ի մոնիթորինգային կոմիտեի հերթական նստաշրջանը։ Դրանում քննարկվել են մի շարք երկրների, այդ թվում՝ նաև Ադրբեջանի՝ ԵԽԽՎ-ի առջև ստանձնած պարտավորությունների կատարման հարցը։
Ադրբեջանի գծով ԵԽԽՎ-ի համազեկուցող, իսպանացի պատգամավոր Ագրամունտ ֆոն դե Մորան ընդգծել է, որ վերջին տարիներին մի քանի անգամ այցելել է Ադրբեջան և պատրաստվում է հաջորդ տարվա փետրվարի սկզբին իր գործընկեր, մալթացի պատգամավոր Ջոզեֆ Դեբանո Գրեխլեի հետ հերթական անգամ այցելել Ադրբեջան։
Մորան հավելել է, որ այդ այցը հաջորդելու է ԵԽԽՎ-ի ձմեռային նստաշրջանին, և այցի նպատակը Ադրբեջանի վերաբերյալ մեծ տեղեկատվության հավաքումն է՝ համապատասխան զեկույցի պատրաստման համար։
Հիշեցնենք, որ այս տարվա հոկտեմբերի կեսին նշվում է, որ Ադրբեջանի գծով ԵԽԽՎ համազեկուցողներն Ադրբեջան պետք է այցելեն նոյեմբերի 22-24-ին։