Թուրքական Bugün թերթին տված հարցազրույցի ժամանակ Թուրքիայի Ազգային մեծ ժողովի (ԹԱՄԺ) նախագահ Ջեմիլ Չիչեքն անդրադարձել է նախագահական պաշտոնավարման ժամկետի շուրջ առաջացած ճգնաժամային վիճակին.
«Անհրաժեշտ եմ համարում, որ այս խնդրի կարգավորմամբ զբաղվի խորհրդարանը։ Եթե խորհրդարանը չկարողանա դա անել, ապա այս հարցի լուծումը կհանձնվի Բարձրագույն ընտրական խորհրդին (YSK)»։
Հիշեցնենք, որ Թուրքիայի երկու առաջատար ընդդիմադիր կուսակցությունները՝ Ժողովրդա-հանրապետական կուսակցությունը (ԺՀԿ) և «Ազգայնական շարժում» կուսակցությունը (ԱՇԿ) պահանջում են, որ Թուրքիայի հերթական նախագահական ընտրություններն անցկացվեն ոչ թե 2014, այլ՝ 2012 թվականին։
