Ռուսական ВЗГЛЯД թերթի փոխանցմամբ՝ վրացական ընդդիմադիր «Մեր Վրաստան – Ազատ դեմոկրատներ» կուսակցության առաջնորդ Իրակլի Ալասանիան թբիլիսյան «Ախալի Թաոբա» («Նոր սերունդ») թերթին տված հարցազրույցի ժամանակհրապարակել է հաջորդ տարի կայանալիք խորհրդարանական ընտրություններում ընդդիմության գլխավոր առաջադրանքը.
«Ընդդիմության գլխավոր առաջադրանքը խորհրդարանական ընտրությունների մասնակցության ցուցանիշը 75-80 տոկոսի հասցնելն է։ Եթե դա տեղի ունենա, ապա գործնականում իշխանություններին կեղծման համար կմնա 5 տոկոս։
Միջազգային հանրությունը հանդես է գալիս 2012-2013 թվականներին Վրաստանում լիարժեք իշխանափոխության օգտին։ Նա աջակցում է 2012 թվականի խորհրդարանական և 2013 թվականի նախագահական ընտրությունների արդար անցկացմանը»։
Հիշեցնենք, որ երեկ հայտնի դարձավ, որ վրացի ընդդիմադիր միլիարդատեր Բիձինա Իվանիշվիլին ընդդիմադիր կոալիցիայի ստեղծման շուրջ պայմանավորվածություն է ձեռք բերել «Մեր Վրաստան – Ազատ դեմոկրատներ» կուսակցության առաջնորդ Իրակլի Ալասանիայի և «Հանրապետական» կուսակցության նախագահ Դավիթ Ուսուպաշվիլիի հետ։
